🏵 Mahadev Aarti Lyrics In Oriya
|| ଶ୍ରୀ ଶିଵ ଆରତୀ ||
ସର୍ଵେଶଂ ପରମେଶଂ ଶ୍ରୀପାର୍ଵତୀଶଂ ଵଂଦେଽହଂ ଵିଶ୍ଵେଶଂ ଶ୍ରୀପନ୍ନଗେଶମ୍ ।
ଶ୍ରୀସାଂବଂ ଶଂଭୁଂ ଶିଵଂ ତ୍ରୈଲୋକ୍ଯପୂଜ୍ଯଂ ଵଂଦେଽହଂ ତ୍ରୈନେତ୍ରଂ ଶ୍ରୀକଂଠମୀଶମ୍
॥ 1॥
ଭସ୍ମାଂବରଧରମୀଶଂ ସୁରପାରିଜାତଂ ବିଲ୍ଵାର୍ଚିତପଦଯୁଗଲଂ ସୋମଂ ସୋମେଶମ୍ ।
ଜଗଦାଲଯପରିଶୋଭିତଦେଵଂ ପରମାତ୍ମଂ ଵଂଦେଽହଂ ଶିଵଶଂକରମୀଶଂ ଦେଵେଶମ୍ ॥ 2॥
କୈଲାସପ୍ରିଯଵାସଂ କରୁଣାକରମୀଶଂ କାତ୍ଯାଯନୀଵିଲସିତପ୍ରିଯଵାମଭାଗମ୍ ।
ପ୍ରଣଵାର୍ଚିତମାତ୍ମାର୍ଚିତଂ ସଂସେଵିତରୂପଂ ଵଂଦେଽହଂ ଶିଵଶଂକରମୀଶଂ ଦେଵେଶମ୍ ॥ 3॥
ମନ୍ମଥନିଜମଦଦହନଂ ଦାକ୍ଷାଯନୀଶଂ ନିର୍ଗୁଣଗୁଣସଂଭରିତଂ କୈଵଲ୍ଯପୁରୁଷମ୍ ।
ଭକ୍ତାନୁଗ୍ରହଵିଗ୍ରହମାନଂଦଜୈକଂ ଵଂଦେଽହଂ ଶିଵଶଂକରମୀଶଂ ଦେଵେଶମ୍ ॥ 4॥
ସୁରଗଂଗାସଂପ୍ଲାଵିତପାଵନନିଜଶିଖରଂ ସମଭୂଷିତଶଶିବିଂବଂ ଜଟାଧରଂ ଦେଵମ୍ ।
ନିରତୋଜ୍ଜ୍ଵଲଦାଵାନଲନଯନଫାଲଭାଗଂ ଵଂଦେଽହଂ ଶିଵଶଂକରମୀଶଂ ଦେଵେଶମ୍ ॥ 5॥
ଶଶିସୂର୍ଯନେତ୍ରଦ୍ଵଯମାରାଧ୍ଯପୁରୁଷଂ ସୁରକିନ୍ନରପନ୍ନଗମଯମୀଶଂ ସଂକାଶମ୍ ।
ଶରଵଣଭଵସଂପୂଜିତନିଜପାଦପଦ୍ମଂ ଵଂଦେଽହଂ ଶିଵଶଂକରମୀଶଂ ଦେଵେଶମ୍ ॥ 6॥
ଶ୍ରୀଶୈଲପୁରଵାସଂ ଈଶଂ ମଲ୍ଲୀଶଂ ଶ୍ରୀକାଲହସ୍ତୀଶଂ ସ୍ଵର୍ଣମୁଖୀଵାସମ୍ ।
କାଂଚୀପୁରମୀଶଂ ଶ୍ରୀକାମାକ୍ଷୀତେଜଂ ଵଂଦେଽହଂ ଶିଵଶଂକରମୀଶଂ ଦେଵେଶମ୍ ॥ 7॥
ତ୍ରିପୁରାଂତକମୀଶଂ ଅରୁଣାଚଲେଶଂ ଦକ୍ଷିଣାମୂର୍ତିଂ ଗୁରୁଂ ଲୋକପୂଜ୍ଯମ୍ ।
ଚିଦଂବରପୁରଵାସଂ ପଂଚଲିଂଗମୂର୍ତିଂ ଵଂଦେଽହଂ ଶିଵଶଂକରମୀଶଂ ଦେଵେଶମ୍ ॥ 8॥
ଜ୍ଯୋତିର୍ମଯଶୁଭଲିଂଗଂ ସଂଖ୍ଯାତ୍ରଯନାଟ୍ଯଂ ତ୍ରଯୀଵେଦ୍ଯମାଦ୍ଯଂ ପଂଚାନନମୀଶମ୍ ।
ଵେଦାଦ୍ଭୁତଗାତ୍ରଂ ଵେଦାର୍ଣଵଜନିତଂ ଵେଦାଗ୍ରଂ ଵିଶ୍ଵାଗ୍ରଂ ଶ୍ରୀଵିଶ୍ଵନାଥମ୍ ॥ 9॥