નામ્નાં સાષ્ટસહસ્રંચ બ્રૂહિ શ્રી લક્ષ્મી સહસ્રનામ સ્તોત્રં લિરિક્સ ઈન ગુજરાતી, પી ડી એફ, એમ પી થ્રિ, ડોઉનલોળ 🌷

🏵 Laxmi Stotra Lyrics In Gujarati

|| શ્રી લક્ષ્મી સહસ્રનામ સ્તોત્રં ||
નામ્નાં સાષ્ટસહસ્રંચ બ્રૂહિ ગાર્ગ્ય મહામતે ।
મહાલક્ષ્મ્યા મહાદેવ્યા ભુક્તિમુક્ત્યર્થસિદ્ધયે ॥ 1 ॥
ગાર્ગ્ય ઉવાચ
સનત્કુમારમાસીનં દ્વાદશાદિત્યસન્નિભમ્ ।
અપૃચ્છન્યોગિનો ભક્ત્યા યોગિનામર્થસિદ્ધયે ॥ 2 ॥
સર્વલૌકિકકર્મભ્યો વિમુક્તાનાં હિતાય વૈ ।
ભુક્તિમુક્તિપ્રદં જપ્યમનુબ્રૂહિ દયાનિધે ॥ 3 ॥
સનત્કુમાર ભગવન્સર્વજ્ઞોઽસિ વિશેષતઃ ।
આસ્તિક્યસિદ્ધયે નૄણાં ક્ષિપ્રધર્માર્થસાધનમ્ ॥ 4 ॥
ખિદ્યંતિ માનવાસ્સર્વે ધનાભાવેન કેવલમ્ ।
સિદ્ધ્યંતિ ધનિનોઽન્યસ્ય નૈવ ધર્માર્થકામનાઃ ॥ 5 ॥
દારિદ્ર્યધ્વંસિની નામ કેન વિદ્યા પ્રકીર્તિતા ।
કેન વા બ્રહ્મવિદ્યાઽપિ કેન મૃત્યુવિનાશિની ॥ 6 ॥
સર્વાસાં સારભૂતૈકા વિદ્યાનાં કેન કીર્તિતા ।
પ્રત્યક્ષસિદ્ધિદા બ્રહ્મન્ તામાચક્ષ્વ દયાનિધે ॥ 7 ॥
સનત્કુમાર ઉવાચ
સાધુ પૃષ્ટં મહાભાગાસ્સર્વલોકહિતૈષિણઃ ।
મહતામેષ ધર્મશ્ચ નાન્યેષામિતિ મે મતિઃ ॥ 8 ॥
બ્રહ્મવિષ્ણુમહાદેવમહેંદ્રાદિમહાત્મભિઃ ।
સંપ્રોક્તં કથયામ્યદ્ય લક્ષ્મીનામસહસ્રકમ્ ॥ 9 ॥
યસ્યોચ્ચારણમાત્રેણ દારિદ્ર્યાન્મુચ્યતે નરઃ ।
કિં પુનસ્તજ્જપાજ્જાપી સર્વેષ્ટાર્થાનવાપ્નુયાત્ ॥ 10 ॥
અસ્ય શ્રીલક્ષ્મીદિવ્યસહસ્રનામસ્તોત્રમહામંત્રસ્ય આનંદકર્દમચિક્લીતેંદિરાસુતાદયો
મહાત્માનો મહર્ષયઃ અનુષ્ટુપ્છંદઃ વિષ્ણુમાયા શક્તિઃ મહાલક્ષ્મીઃ પરાદેવતા શ્રીમહાલક્ષ્મીપ્રસાદદ્વારા
સર્વેષ્ટાર્થસિદ્ધ્યર્થે જપે વિનિયોગઃ ।
ધ્યાનમ્
પદ્મનાભપ્રિયાં દેવીં પદ્માક્ષીં પદ્મવાસિનીમ્ ।
પદ્મવક્ત્રાં પદ્મહસ્તાં વંદે પદ્મામહર્નિશમ્ ॥ 1 ॥
પૂર્ણેંદુવદનાં દિવ્યરત્નાભરણભૂષિતામ્ ।
વરદાભયહસ્તાઢ્યાં ધ્યાયેચ્ચંદ્રસહોદરીમ્ ॥ 2 ॥
ઇચ્છારૂપાં ભગવતસ્સચ્ચિદાનંદરૂપિણીમ્ ।
સર્વજ્ઞાં સર્વજનનીં વિષ્ણુવક્ષસ્સ્થલાલયામ્ ।
દયાલુમનિશં ધ્યાયેત્સુખસિદ્ધિસ્વરૂપિણીમ્ ॥ 3 ॥
સ્તોત્રમ્
નિત્યાગતાનંતનિત્યા નંદિની જનરંજની ।
નિત્યપ્રકાશિની ચૈવ સ્વપ્રકાશસ્વરૂપિણી ॥ 1 ॥
મહાલક્ષ્મીર્મહાકાલી મહાકન્યા સરસ્વતી ।
ભોગવૈભવસંધાત્રી ભક્તાનુગ્રહકારિણી ॥ 2 ॥
ઈશાવાસ્યા મહામાયા મહાદેવી મહેશ્વરી ।
હૃલ્લેખા પરમા શક્તિર્માતૃકાબીજરૂપિણી ॥ 3 ॥
નિત્યાનંદા નિત્યબોધા નાદિની જનમોદિની ।
સત્યપ્રત્યયની ચૈવ સ્વપ્રકાશાત્મરૂપિણી ॥ 4 ॥
ત્રિપુરા ભૈરવી વિદ્યા હંસા વાગીશ્વરી શિવા ।
વાગ્દેવી ચ મહારાત્રિઃ કાલરાત્રિસ્ત્રિલોચના ॥ 5 ॥
ભદ્રકાળી કરાળી ચ મહાકાળી તિલોત્તમા ।
કાળી કરાળવક્ત્રાંતા કામાક્ષી કામદા શુભા ॥ 6 ॥
ચંડિકા ચંડરૂપેશા ચામુંડા ચક્રધારિણી ।
ત્રૈલોક્યજયિની દેવી ત્રૈલોક્યવિજયોત્તમા ॥ 7 ॥
સિદ્ધલક્ષ્મીઃ ક્રિયાલક્ષ્મીર્મોક્ષલક્ષ્મીઃ પ્રસાદિની ।
ઉમા ભગવતી દુર્ગા ચાંદ્રી દાક્ષાયણી શિવા ॥ 8 ॥
પ્રત્યંગિરા ધરાવેલા લોકમાતા હરિપ્રિયા ।
પાર્વતી પરમા દેવી બ્રહ્મવિદ્યાપ્રદાયિની ॥ 9 ॥
અરૂપા બહુરૂપા ચ વિરૂપા વિશ્વરૂપિણી ।
પંચભૂતાત્મિકા વાણી પંચભૂતાત્મિકા પરા ॥ 10 ॥
કાળી મા પંચિકા વાગ્મી હવિઃપ્રત્યધિદેવતા ।
દેવમાતા સુરેશાના દેવગર્ભાઽંબિકા ધૃતિઃ ॥ 11 ॥
સંખ્યા જાતિઃ ક્રિયાશક્તિઃ પ્રકૃતિર્મોહિની મહી ।
યજ્ઞવિદ્યા મહાવિદ્યા ગુહ્યવિદ્યા વિભાવરી ॥ 12 ॥
જ્યોતિષ્મતી મહામાતા સર્વમંત્રફલપ્રદા ।
દારિદ્ર્યધ્વંસિની દેવી હૃદયગ્રંથિભેદિની ॥ 13 ॥
સહસ્રાદિત્યસંકાશા ચંદ્રિકા ચંદ્રરૂપિણી ।
ગાયત્રી સોમસંભૂતિસ્સાવિત્રી પ્રણવાત્મિકા ॥ 14 ॥
શાંકરી વૈષ્ણવી બ્રાહ્મી સર્વદેવનમસ્કૃતા ।
સેવ્યદુર્ગા કુબેરાક્ષી કરવીરનિવાસિની ॥ 15 ॥
જયા ચ વિજયા ચૈવ જયંતી ચાઽપરાજિતા ।
કુબ્જિકા કાલિકા શાસ્ત્રી વીણાપુસ્તકધારિણી ॥ 16 ॥
સર્વજ્ઞશક્તિશ્શ્રીશક્તિર્બ્રહ્મવિષ્ણુશિવાત્મિકા ।
ઇડાપિંગલિકામધ્યમૃણાલીતંતુરૂપિણી ॥ 17 ॥
યજ્ઞેશાની પ્રથા દીક્ષા દક્ષિણા સર્વમોહિની ।
અષ્ટાંગયોગિની દેવી નિર્બીજધ્યાનગોચરા ॥ 18 ॥
સર્વતીર્થસ્થિતા શુદ્ધા સર્વપર્વતવાસિની ।
વેદશાસ્ત્રપ્રભા દેવી ષડંગાદિપદક્રમા ॥ 19 ॥
શિવા ધાત્રી શુભાનંદા યજ્ઞકર્મસ્વરૂપિણી ।
વ્રતિની મેનકા દેવી બ્રહ્માણી બ્રહ્મચારિણી ॥ 20 ॥
એકાક્ષરપરા તારા ભવબંધવિનાશિની ।
વિશ્વંભરા ધરાધારા નિરાધારાઽધિકસ્વરા ॥ 21 ॥
રાકા કુહૂરમાવાસ્યા પૂર્ણિમાઽનુમતિર્દ્યુતિઃ ।
સિનીવાલી શિવાઽવશ્યા વૈશ્વદેવી પિશંગિલા ॥ 22 ॥
પિપ્પલા ચ વિશાલાક્ષી રક્ષોઘ્ની વૃષ્ટિકારિણી ।
દુષ્ટવિદ્રાવિણી દેવી સર્વોપદ્રવનાશિની ॥ 23 ॥
શારદા શરસંધાના સર્વશસ્ત્રસ્વરૂપિણી ।
યુદ્ધમધ્યસ્થિતા દેવી સર્વભૂતપ્રભંજની ॥ 24 ॥
અયુદ્ધા યુદ્ધરૂપા ચ શાંતા શાંતિસ્વરૂપિણી ।
ગંગા સરસ્વતીવેણીયમુનાનર્મદાપગા ॥ 25 ॥
સમુદ્રવસનાવાસા બ્રહ્માંડશ્રોણિમેખલા ।
પંચવક્ત્રા દશભુજા શુદ્ધસ્ફટિકસન્નિભા ॥ 26 ॥
રક્તા કૃષ્ણા સિતા પીતા સર્વવર્ણા નિરીશ્વરી ।
કાળિકા ચક્રિકા દેવી સત્યા તુ વટુકાસ્થિતા ॥ 27 ॥
તરુણી વારુણી નારી જ્યેષ્ઠાદેવી સુરેશ્વરી ।
વિશ્વંભરાધરા કર્ત્રી ગળાર્ગળવિભંજની ॥ 28 ॥
સંધ્યારાત્રિર્દિવાજ્યોત્સ્ના કલાકાષ્ઠા નિમેષિકા ।
ઉર્વી કાત્યાયની શુભ્રા સંસારાર્ણવતારિણી ॥ 29 ॥
કપિલા કીલિકાઽશોકા મલ્લિકાનવમલ્લિકા । [ મલ્લિકાનવમાલિકા ]
દેવિકા નંદિકા શાંતા ભંજિકા ભયભંજિકા ॥ 30 ॥
કૌશિકી વૈદિકી દેવી સૌરી રૂપાધિકાઽતિભા ।
દિગ્વસ્ત્રા નવવસ્ત્રા ચ કન્યકા કમલોદ્ભવા ॥ 31 ॥
શ્રીસ્સૌમ્યલક્ષણાઽતીતદુર્ગા સૂત્રપ્રબોધિકા ।
શ્રદ્ધા મેધા કૃતિઃ પ્રજ્ઞા ધારણા કાંતિરેવ ચ ॥ 32 ॥
શ્રુતિઃ સ્મૃતિર્ધૃતિર્ધન્યા ભૂતિરિષ્ટિર્મનીષિણી ।
વિરક્તિર્વ્યાપિની માયા સર્વમાયાપ્રભંજની ॥ 33 ॥
માહેંદ્રી મંત્રિણી સિંહી ચેંદ્રજાલસ્વરૂપિણી ।
અવસ્થાત્રયનિર્મુક્તા ગુણત્રયવિવર્જિતા ॥ 34 ॥
ઈષણાત્રયનિર્મુક્તા સર્વરોગવિવર્જિતા ।
યોગિધ્યાનાંતગમ્યા ચ યોગધ્યાનપરાયણા ॥ 35 ॥
ત્રયીશિખા વિશેષજ્ઞા વેદાંતજ્ઞાનરૂપિણી ।
ભારતી કમલા ભાષા પદ્મા પદ્મવતી કૃતિઃ ॥ 36 ॥
ગૌતમી ગોમતી ગૌરી ઈશાના હંસવાહિની ।
નારાયણી પ્રભાધારા જાહ્નવી શંકરાત્મજા ॥ 37 ॥
ચિત્રઘંટા સુનંદા શ્રીર્માનવી મનુસંભવા ।
સ્તંભિની ક્ષોભિણી મારી ભ્રામિણી શત્રુમારિણી ॥ 38 ॥
મોહિની દ્વેષિણી વીરા અઘોરા રુદ્રરૂપિણી ।
રુદ્રૈકાદશિની પુણ્યા કલ્યાણી લાભકારિણી ॥ 39 ॥
દેવદુર્ગા મહાદુર્ગા સ્વપ્નદુર્ગાઽષ્ટભૈરવી ।
સૂર્યચંદ્રાગ્નિરૂપા ચ ગ્રહનક્ષત્રરૂપિણી ॥ 40 ॥
બિંદુનાદકળાતીતા બિંદુનાદકળાત્મિકા ।
દશવાયુજયાકારા કળાષોડશસંયુતા ॥ 41 ॥
કાશ્યપી કમલાદેવી નાદચક્રનિવાસિની ।
મૃડાધારા સ્થિરા ગુહ્યા દેવિકા ચક્રરૂપિણી ॥ 42 ॥
અવિદ્યા શાર્વરી ભુંજા જંભાસુરનિબર્હિણી ।
શ્રીકાયા શ્રીકલા શુભ્રા કર્મનિર્મૂલકારિણી ॥ 43 ॥
આદિલક્ષ્મીર્ગુણાધારા પંચબ્રહ્માત્મિકા પરા ।
શ્રુતિર્બ્રહ્મમુખાવાસા સર્વસંપત્તિરૂપિણી ॥ 44 ॥
મૃતસંજીવની મૈત્રી કામિની કામવર્જિતા ।
નિર્વાણમાર્ગદા દેવી હંસિની કાશિકા ક્ષમા ॥ 45 ॥
સપર્યા ગુણિની ભિન્ના નિર્ગુણા ખંડિતાશુભા ।
સ્વામિની વેદિની શક્યા શાંબરી ચક્રધારિણી ॥ 46 ॥
દંડિની મુંડિની વ્યાઘ્રી શિખિની સોમસંહતિઃ ।
ચિંતામણિશ્ચિદાનંદા પંચબાણપ્રબોધિની ॥ 47 ॥
બાણશ્રેણિસ્સહસ્રાક્ષી સહસ્રભુજપાદુકા ।
સંધ્યાવલિસ્ત્રિસંધ્યાખ્યા બ્રહ્માંડમણિભૂષણા ॥ 48 ॥
વાસવી વારુણીસેના કુળિકા મંત્રરંજની ।
જિતપ્રાણસ્વરૂપા ચ કાંતા કામ્યવરપ્રદા ॥ 49 ॥
મંત્રબ્રાહ્મણવિદ્યાર્થા નાદરૂપા હવિષ્મતી ।
આથર્વણિઃ શ્રુતિઃ શૂન્યા કલ્પનાવર્જિતા સતી ॥ 50 ॥
સત્તાજાતિઃ પ્રમાઽમેયાઽપ્રમિતિઃ પ્રાણદા ગતિઃ ।
અવર્ણા પંચવર્ણા ચ સર્વદા ભુવનેશ્વરી ॥ 51 ॥
ત્રૈલોક્યમોહિની વિદ્યા સર્વભર્ત્રી ક્ષરાઽક્ષરા ।
હિરણ્યવર્ણા હરિણી સર્વોપદ્રવનાશિની ॥ 52 ॥
કૈવલ્યપદવીરેખા સૂર્યમંડલસંસ્થિતા ।
સોમમંડલમધ્યસ્થા વહ્નિમંડલસંસ્થિતા ॥ 53 ॥
વાયુમંડલમધ્યસ્થા વ્યોમમંડલસંસ્થિતા ।
ચક્રિકા ચક્રમધ્યસ્થા ચક્રમાર્ગપ્રવર્તિની ॥ 54 ॥
કોકિલાકુલચક્રેશા પક્ષતિઃ પંક્તિપાવની ।
સર્વસિદ્ધાંતમાર્ગસ્થા ષડ્વર્ણાવરવર્જિતા ॥ 55 ॥
શરરુદ્રહરા હંત્રી સર્વસંહારકારિણી ।
પુરુષા પૌરુષી તુષ્ટિસ્સર્વતંત્રપ્રસૂતિકા ॥ 56 ॥
અર્ધનારીશ્વરી દેવી સર્વવિદ્યાપ્રદાયિની ।
ભાર્ગવી યાજુષીવિદ્યા સર્વોપનિષદાસ્થિતા ॥ 57 ॥ [ ભુજુષીવિદ્યા ]
વ્યોમકેશાખિલપ્રાણા પંચકોશવિલક્ષણા ।
પંચકોશાત્મિકા પ્રત્યક્પંચબ્રહ્માત્મિકા શિવા ॥ 58 ॥
જગજ્જરાજનિત્રી ચ પંચકર્મપ્રસૂતિકા ।
વાગ્દેવ્યાભરણાકારા સર્વકામ્યસ્થિતાસ્થિતિઃ ॥ 59 ॥
અષ્ટાદશચતુષ્ષષ્ઠિપીઠિકા વિદ્યયા યુતા ।
કાળિકાકર્ષણશ્યામા યક્ષિણી કિન્નરેશ્વરી ॥ 60 ॥
કેતકી મલ્લિકાઽશોકા વારાહી ધરણી ધ્રુવા ।
નારસિંહી મહોગ્રાસ્યા ભક્તાનામાર્તિનાશિની ॥ 61 ॥
અંતર્બલા સ્થિરા લક્ષ્મીર્જરામરણનાશિની ।
શ્રીરંજિતા મહાકાયા સોમસૂર્યાગ્નિલોચના ॥ 62 ॥
અદિતિર્દેવમાતા ચ અષ્ટપુત્રાઽષ્ટયોગિની ।
અષ્ટપ્રકૃતિરષ્ટાષ્ટવિભ્રાજદ્વિકૃતાકૃતિઃ ॥ 63 ॥
દુર્ભિક્ષધ્વંસિની દેવી સીતા સત્યા ચ રુક્મિણી ।
ખ્યાતિજા ભાર્ગવી દેવી દેવયોનિસ્તપસ્વિની ॥ 64 ॥
શાકંભરી મહાશોણા ગરુડોપરિસંસ્થિતા ।
સિંહગા વ્યાઘ્રગા દેવી વાયુગા ચ મહાદ્રિગા ॥ 65 ॥
અકારાદિક્ષકારાંતા સર્વવિદ્યાધિદેવતા ।
મંત્રવ્યાખ્યાનનિપુણા જ્યોતિશ્શાસ્ત્રૈકલોચના ॥ 66 ॥
ઇડાપિંગળિકામધ્યાસુષુમ્ના ગ્રંથિભેદિની ।
કાલચક્રાશ્રયોપેતા કાલચક્રસ્વરૂપિણી ॥ 67 ॥
વૈશારદી મતિશ્શ્રેષ્ઠા વરિષ્ઠા સર્વદીપિકા ।
વૈનાયકી વરારોહા શ્રોણિવેલા બહિર્વલિઃ ॥ 68 ॥
જંભિની જૃંભિણી જંભકારિણી ગણકારિકા ।
શરણી ચક્રિકાઽનંતા સર્વવ્યાધિચિકિત્સકી ॥ 69 ॥
દેવકી દેવસંકાશા વારિધિઃ કરુણાકરા ।
શર્વરી સર્વસંપન્ના સર્વપાપપ્રભંજની ॥ 70 ॥
એકમાત્રા દ્વિમાત્રા ચ ત્રિમાત્રા ચ તથાઽપરા ।
અર્ધમાત્રા પરા સૂક્ષ્મા સૂક્ષ્માર્થાઽર્થપરાઽપરા ॥ 71 ॥
એકવીરા વિશેષાખ્યા ષષ્ઠીદેવી મનસ્વિની ।
નૈષ્કર્મ્યા નિષ્કલાલોકા જ્ઞાનકર્માધિકા ગુણા ॥ 72 ॥
સબંધ્વાનંદસંદોહા વ્યોમાકારાઽનિરૂપિતા ।
ગદ્યપદ્યાત્મિકા વાણી સર્વાલંકારસંયુતા ॥ 73 ॥
સાધુબંધપદન્યાસા સર્વૌકો ઘટિકાવલિઃ ।
ષટ્કર્મા કર્કશાકારા સર્વકર્મવિવર્જિતા ॥ 74 ॥
આદિત્યવર્ણા ચાપર્ણા કામિની વરરૂપિણી ।
બ્રહ્માણી બ્રહ્મસંતાના વેદવાગીશ્વરી શિવા ॥ 75 ॥
પુરાણન્યાયમીમાંસાધર્મશાસ્ત્રાગમશ્રુતા ।
સદ્યોવેદવતી સર્વા હંસી વિદ્યાધિદેવતા ॥ 76 ॥
વિશ્વેશ્વરી જગદ્ધાત્રી વિશ્વનિર્માણકારિણી ।
વૈદિકી વેદરૂપા ચ કાલિકા કાલરૂપિણી ॥ 77 ॥
નારાયણી મહાદેવી સર્વતત્ત્વપ્રવર્તિની ।
હિરણ્યવર્ણરૂપા ચ હિરણ્યપદસંભવા ॥ 78 ॥
કૈવલ્યપદવી પુણ્યા કૈવલ્યજ્ઞાનલક્ષિતા ।
બ્રહ્મસંપત્તિરૂપા ચ બ્રહ્મસંપત્તિકારિણી ॥ 79 ॥
વારુણી વારુણારાધ્યા સર્વકર્મપ્રવર્તિની ।
એકાક્ષરપરાઽઽયુક્તા સર્વદારિદ્ર્યભંજિની ॥ 80 ॥
પાશાંકુશાન્વિતા દિવ્યા વીણાવ્યાખ્યાક્ષસૂત્રભૃત્ ।
એકમૂર્તિસ્ત્રયીમૂર્તિર્મધુકૈટભભંજિની ॥ 81 ॥
સાંખ્યા સાંખ્યવતી જ્વાલા જ્વલંતી કામરૂપિણી ।
જાગ્રતી સર્વસંપત્તિસ્સુષુપ્તા સ્વેષ્ટદાયિની ॥ 82 ॥
કપાલિની મહાદંષ્ટ્રા ભ્રુકુટી કુટિલાનના ।
સર્વાવાસા સુવાસા ચ બૃહત્યષ્ટિશ્ચ શક્વરી ॥ 83 ॥
છંદોગણપ્રતિષ્ઠા ચ કલ્માષી કરુણાત્મિકા ।
ચક્ષુષ્મતી મહાઘોષા ખડ્ગચર્મધરાઽશનિઃ ॥ 84 ॥
શિલ્પવૈચિત્ર્યવિદ્યોતા સર્વતોભદ્રવાસિની ।
અચિંત્યલક્ષણાકારા સૂત્રભાષ્યનિબંધના ॥ 85 ॥
સર્વવેદાર્થસંપત્તિસ્સર્વશાસ્ત્રાર્થમાતૃકા ।
અકારાદિક્ષકારાંતસર્વવર્ણકૃતસ્થલા ॥ 86 ॥
સર્વલક્ષ્મીસ્સદાનંદા સારવિદ્યા સદાશિવા ।
સર્વજ્ઞા સર્વશક્તિશ્ચ ખેચરીરૂપગોચ્છ્રિતા ॥ 87 ॥
અણિમાદિગુણોપેતા પરા કાષ્ઠા પરા ગતિઃ ।
હંસયુક્તવિમાનસ્થા હંસારૂઢા શશિપ્રભા ॥ 88 ॥
ભવાની વાસનાશક્તિરાકૃતિસ્થાખિલાઽખિલા ।
તંત્રહેતુર્વિચિત્રાંગી વ્યોમગંગાવિનોદિની ॥ 89 ॥
વર્ષા ચ વાર્ષિકા ચૈવ ઋગ્યજુસ્સામરૂપિણી ।
મહાનદીનદીપુણ્યાઽગણ્યપુણ્યગુણક્રિયા ॥ 90 ॥
સમાધિગતલભ્યાર્થા શ્રોતવ્યા સ્વપ્રિયા ઘૃણા ।
નામાક્ષરપરા દેવી ઉપસર્ગનખાંચિતા ॥ 91 ॥
નિપાતોરુદ્વયીજંઘા માતૃકા મંત્રરૂપિણી ।
આસીના ચ શયાના ચ તિષ્ઠંતી ધાવનાધિકા ॥ 92 ॥
લક્ષ્યલક્ષણયોગાઢ્યા તાદ્રૂપ્યગણનાકૃતિઃ ।
સૈકરૂપા નૈકરૂપા સેંદુરૂપા તદાકૃતિઃ ॥ 93 ॥
સમાસતદ્ધિતાકારા વિભક્તિવચનાત્મિકા ।
સ્વાહાકારા સ્વધાકારા શ્રીપત્યર્ધાંગનંદિની ॥ 94 ॥
ગંભીરા ગહના ગુહ્યા યોનિલિંગાર્ધધારિણી ।
શેષવાસુકિસંસેવ્યા ચપલા વરવર્ણિની ॥ 95 ॥
કારુણ્યાકારસંપત્તિઃ કીલકૃન્મંત્રકીલિકા ।
શક્તિબીજાત્મિકા સર્વમંત્રેષ્ટાક્ષયકામના ॥ 96 ॥
આગ્નેયી પાર્થિવા આપ્યા વાયવ્યા વ્યોમકેતના ।
સત્યજ્ઞાનાત્મિકાઽઽનંદા બ્રાહ્મી બ્રહ્મ સનાતની ॥ 97 ॥
અવિદ્યાવાસના માયાપ્રકૃતિસ્સર્વમોહિની ।
શક્તિર્ધારણશક્તિશ્ચ ચિદચિચ્છક્તિયોગિની ॥ 98 ॥
વક્ત્રારુણા મહામાયા મરીચિર્મદમર્દિની ।
વિરાટ્ સ્વાહા સ્વધા શુદ્ધા નીરૂપાસ્તિસ્સુભક્તિગા ॥ 99 ॥
નિરૂપિતાદ્વયીવિદ્યા નિત્યાનિત્યસ્વરૂપિણી ।
વૈરાજમાર્ગસંચારા સર્વસત્પથદર્શિની ॥ 100 ॥
જાલંધરી મૃડાની ચ ભવાની ભવભંજની ।
ત્રૈકાલિકજ્ઞાનતંતુસ્ત્રિકાલજ્ઞાનદાયિની ॥ 101 ॥
નાદાતીતા સ્મૃતિઃ પ્રજ્ઞા ધાત્રીરૂપા ત્રિપુષ્કરા ।
પરાજિતાવિધાનજ્ઞા વિશેષિતગુણાત્મિકા ॥ 102 ॥
હિરણ્યકેશિની હેમબ્રહ્મસૂત્રવિચક્ષણા ।
અસંખ્યેયપરાર્ધાંતસ્વરવ્યંજનવૈખરી ॥ 103 ॥
મધુજિહ્વા મધુમતી મધુમાસોદયા મધુઃ ।
માધવી ચ મહાભાગા મેઘગંભીરનિસ્વના ॥ 104 ॥
બ્રહ્મવિષ્ણુમહેશાદિજ્ઞાતવ્યાર્થવિશેષગા ।
નાભૌ વહ્નિશિખાકારા લલાટે ચંદ્રસન્નિભા ॥ 105 ॥
ભ્રૂમધ્યે ભાસ્કરાકારા સર્વતારાકૃતિર્હૃદિ ।
કૃત્તિકાદિભરણ્યંતનક્ષત્રેષ્ટ્યાર્ચિતોદયા ॥ 106 ॥
ગ્રહવિદ્યાત્મિકા જ્યોતિર્જ્યોતિર્વિન્મતિજીવિકા ।
બ્રહ્માંડગર્ભિણી બાલા સપ્તાવરણદેવતા ॥ 107 ॥
વૈરાજોત્તમસામ્રાજ્યા કુમારકુશલોદયા ।
બગળા ભ્રમરાંબા ચ શિવદૂતી શિવાત્મિકા ॥ 108 ॥
મેરુવિંધ્યાદિસંસ્થાના કાશ્મીરપુરવાસિની ।
યોગનિદ્રા મહાનિદ્રા વિનિદ્રા રાક્ષસાશ્રિતા ॥ 109 ॥
સુવર્ણદા મહાગંગા પંચાખ્યા પંચસંહતિઃ ।
સુપ્રજાતા સુવીરા ચ સુપોષા સુપતિશ્શિવા ॥ 110 ॥
સુગૃહા રક્તબીજાંતા હતકંદર્પજીવિકા ।
સમુદ્રવ્યોમમધ્યસ્થા સમબિંદુસમાશ્રયા ॥ 111 ॥
સૌભાગ્યરસજીવાતુસ્સારાસારવિવેકદૃક્ ।
ત્રિવલ્યાદિસુપુષ્ટાંગા ભારતી ભરતાશ્રિતા ॥ 112 ॥
નાદબ્રહ્મમયીવિદ્યા જ્ઞાનબ્રહ્મમયીપરા ।
બ્રહ્મનાડી નિરુક્તિશ્ચ બ્રહ્મકૈવલ્યસાધનમ્ ॥ 113 ॥
કાલિકેયમહોદારવીર્યવિક્રમરૂપિણી ।
વડવાગ્નિશિખાવક્ત્રા મહાકવલતર્પણા ॥ 114 ॥
મહાભૂતા મહાદર્પા મહાસારા મહાક્રતુઃ ।
પંજભૂતમહાગ્રાસા પંચભૂતાધિદેવતા ॥ 115 ॥
સર્વપ્રમાણા સંપત્તિસ્સર્વરોગપ્રતિક્રિયા ।
બ્રહ્માંડાંતર્બહિર્વ્યાપ્તા વિષ્ણુવક્ષોવિભૂષિણી ॥ 116 ॥
શાંકરી વિધિવક્ત્રસ્થા પ્રવરા વરહેતુકી ।
હેમમાલા શિખામાલા ત્રિશિખા પંચલોચના ॥ 117 ॥ [ પંચમોચના ]
સર્વાગમસદાચારમર્યાદા યાતુભંજની ।
પુણ્યશ્લોકપ્રબંધાઢ્યા સર્વાંતર્યામિરૂપિણી ॥ 118 ॥
સામગાનસમારાધ્યા શ્રોત્રકર્ણરસાયનમ્ ।
જીવલોકૈકજીવાતુર્ભદ્રોદારવિલોકના ॥ 119 ॥
તટિત્કોટિલસત્કાંતિસ્તરુણી હરિસુંદરી ।
મીનનેત્રા ચ સેંદ્રાક્ષી વિશાલાક્ષી સુમંગળા ॥ 120 ॥
સર્વમંગળસંપન્ના સાક્ષાન્મંગળદેવતા ।
દેહહૃદ્દીપિકા દીપ્તિર્જિહ્વપાપપ્રણાશિની ॥ 121 ॥
અર્ધચંદ્રોલ્લસદ્દંષ્ટ્રા યજ્ઞવાટીવિલાસિની ।
મહાદુર્ગા મહોત્સાહા મહાદેવબલોદયા ॥ 122 ॥
ડાકિનીડ્યા શાકિનીડ્યા સાકિનીડ્યા સમસ્તજુટ્ ।
નિરંકુશા નાકિવંદ્યા ષડાધારાધિદેવતા ॥ 123 ॥
ભુવનજ્ઞાનિનિશ્શ્રેણી ભુવનાકારવલ્લરી ।
શાશ્વતી શાશ્વતાકારા લોકાનુગ્રહકારિણી ॥ 124 ॥
સારસી માનસી હંસી હંસલોકપ્રદાયિની ।
ચિન્મુદ્રાલંકૃતકરા કોટિસૂર્યસમપ્રભા ॥ 125 ॥
સુખપ્રાણિશિરોરેખા સદદૃષ્ટપ્રદાયિની ।
સર્વસાંકર્યદોષઘ્ની ગ્રહોપદ્રવનાશિની ॥ 126 ॥
ક્ષુદ્રજંતુભયઘ્ની ચ વિષરોગાદિભંજની ।
સદાશાંતા સદાશુદ્ધા ગૃહચ્છિદ્રનિવારિણી ॥ 127 ॥
કલિદોષપ્રશમની કોલાહલપુરસ્થિતા ।
ગૌરી લાક્ષણિકી મુખ્યા જઘન્યાકૃતિવર્જિતા ॥ 128 ॥
માયા વિદ્યા મૂલભૂતા વાસવી વિષ્ણુચેતના ।
વાદિની વસુરૂપા ચ વસુરત્નપરિચ્છદા ॥ 129 ॥
છાંદસી ચંદ્રહૃદયા મંત્રસ્વચ્છંદભૈરવી ।
વનમાલા વૈજયંતી પંચદિવ્યાયુધાત્મિકા ॥ 130 ॥
પીતાંબરમયી ચંચત્કૌસ્તુભા હરિકામિની ।
નિત્યા તથ્યા રમા રામા રમણી મૃત્યુભંજની ॥ 131 ॥
જ્યેષ્ઠા કાષ્ઠા ધનિષ્ઠાંતા શરાંગી નિર્ગુણપ્રિયા ।
મૈત્રેયા મિત્રવિંદા ચ શેષ્યશેષકલાશયા ॥ 132 ॥
વારાણસીવાસલભ્યા ચાર્યાવર્તજનસ્તુતા । [ વારાણસીવાસરતા ]
જગદુત્પત્તિસંસ્થાનસંહારત્રયકારણમ્ ॥ 133 ॥
ત્વમંબ વિષ્ણુસર્વસ્વં નમસ્તેઽસ્તુ મહેશ્વરિ ।
નમસ્તે સર્વલોકાનાં જનન્યૈ પુણ્યમૂર્તયે ॥ 134 ॥
સિદ્ધલક્ષ્મીર્મહાકાળિ મહલક્ષ્મિ નમોઽસ્તુ તે ।
સદ્યોજાતાદિપંચાગ્નિરૂપા પંચકપંચકમ્ ॥ 135 ॥
યંત્રલક્ષ્મીર્ભવત્યાદિરાદ્યાદ્યે તે નમો નમઃ ।
સૃષ્ટ્યાદિકારણાકારવિતતે દોષવર્જિતે ॥ 136 ॥
જગલ્લક્ષ્મીર્જગન્માતર્વિષ્ણુપત્નિ નમોઽસ્તુ તે ।
નવકોટિમહાશક્તિસમુપાસ્યપદાંબુજે ॥ 137 ॥
કનત્સૌવર્ણરત્નાઢ્ય સર્વાભરણભૂષિતે ।
અનંતાનિત્યમહિષીપ્રપંચેશ્વરનાયકિ ॥ 138 ॥
અત્યુચ્છ્રિતપદાંતસ્થે પરમવ્યોમનાયકિ ।
નાકપૃષ્ઠગતારાધ્યે વિષ્ણુલોકવિલાસિનિ ॥ 139 ॥
વૈકુંઠરાજમહિષિ શ્રીરંગનગરાશ્રિતે ।
રંગનાયકિ ભૂપુત્રિ કૃષ્ણે વરદવલ્લભે ॥ 140 ॥
કોટિબ્રહ્માદિસંસેવ્યે કોટિરુદ્રાદિકીર્તિતે ।
માતુલુંગમયં ખેટં સૌવર્ણચષકં તથા ॥ 141 ॥
પદ્મદ્વયં પૂર્ણકુંભં કીરંચ વરદાભયે ।
પાશમંકુશકં શંખં ચક્રં શૂલં કૃપાણિકામ્ ॥ 142 ॥
ધનુર્બાણૌ ચાક્ષમાલાં ચિન્મુદ્રામપિ બિભ્રતી ।
અષ્ટાદશભુજે લક્ષ્મીર્મહાષ્ટાદશપીઠગે ॥ 143 ॥
ભૂમિનીલાદિસંસેવ્યે સ્વામિચિત્તાનુવર્તિનિ ।
પદ્મે પદ્માલયે પદ્મિ પૂર્ણકુંભાભિષેચિતે ॥ 144 ॥
ઇંદિરેંદિંદિરાભાક્ષિ ક્ષીરસાગરકન્યકે ।
ભાર્ગવિ ત્વં સ્વતંત્રેચ્છા વશીકૃતજગત્પતિઃ ॥ 145 ॥
મંગળં મંગળાનાં ત્વં દેવતાનાં ચ દેવતા ।
ત્વમુત્તમોત્તમાનાં ચ ત્વં શ્રેયઃ પરમામૃતમ્ ॥ 146 ॥
ધનધાન્યાભિવૃદ્ધિશ્ચ સાર્વભૌમસુખોચ્છ્રયા ।
આંદોળિકાદિસૌભાગ્યં મત્તેભાદિમહોદયઃ ॥ 147 ॥
પુત્રપૌત્રાભિવૃદ્ધિશ્ચ વિદ્યાભોગબલાદિકમ્ ।
આયુરારોગ્યસંપત્તિરષ્ટૈશ્વર્યં ત્વમેવ હિ ॥ 148 ॥
પરમેશવિભૂતિશ્ચ સૂક્ષ્માત્સૂક્ષ્મતરાગતિઃ ।
સદયાપાંગસંદત્તબ્રહ્મેંદ્રાદિપદસ્થિતિઃ ॥ 149 ॥
અવ્યાહતમહાભાગ્યં ત્વમેવાક્ષોભ્યવિક્રમઃ ।
સમન્વયશ્ચ વેદાનામવિરોધસ્ત્વમેવ હિ ॥ 150 ॥
નિઃશ્રેયસપદપ્રાપ્તિસાધનં ફલમેવ ચ ।
શ્રીમંત્રરાજરાજ્ઞી ચ શ્રીવિદ્યા ક્ષેમકારિણી ॥ 151 ॥
શ્રીંબીજજપસંતુષ્ટા ઐં હ્રીં શ્રીં બીજપાલિકા ।
પ્રપત્તિમાર્ગસુલભા વિષ્ણુપ્રથમકિંકરી ॥ 152 ॥
ક્લીંકારાર્થસવિત્રી ચ સૌમંગળ્યાધિદેવતા ।
શ્રીષોડશાક્ષરીવિદ્યા શ્રીયંત્રપુરવાસિની ॥ 153 ॥
સર્વમંગળમાંગળ્યે શિવે સર્વાર્થસાધિકે ।
શરણ્યે ત્ર્યંબકે ગૌરી નારાયણિ નમોઽસ્તુ તે ॥ 154 ॥
પુનઃ પુનર્નમસ્તેઽસ્તુ સાષ્ટાંગમયુતં પુનઃ ।
સનત્કુમાર ઉવાચ-
એવં સ્તુતા મહાલક્ષ્મીર્બ્રહ્મરુદ્રાદિભિસ્સુરૈઃ ।
નમદ્ભિરાર્તૈર્દીનૈશ્ચ નિસ્સ્વત્વૈર્ભોગવર્જિતૈઃ ॥ 1 ॥
જ્યેષ્ઠા જુષ્ટૈશ્ચ નિશ્શ્રીકૈસ્સંસારાત્સ્વપરાયણૈઃ ।
વિષ્ણુપત્ની દદૌ તેષાં દર્શનં દૃષ્ટિતર્પણમ્ ॥ 2 ॥
શરત્પૂર્ણેંદુકોટ્યાભધવળાપાંગવીક્ષણૈઃ ।
સર્વાન્સત્ત્વસમાવિષ્ટાન્ ચક્રે હૃષ્ટા વરં દદૌ ॥ 3 ॥
મહાલક્ષ્મીરુવાચ-
નામ્નાં સાષ્ટસહસ્રં મે પ્રમાદાદ્વાપિ યસ્સકૃત્ ।
કીર્તયેત્તત્કુલે સત્યં વસામ્યાચંદ્રતારકમ્ ॥ 4 ॥
કિં પુનર્નિયમાજ્જપ્તુર્મદેકશરણસ્ય ચ ।
માતૃવત્સાનુકંપાહં પોષકી સ્યામહર્નિશમ્ ॥ 5 ॥
મન્નામ સ્તવતાં લોકે દુર્લભં નાસ્તિ ચિંતિતમ્ ।
મત્પ્રસાદેન સર્વેઽપિ સ્વસ્વેષ્ટાર્થમવાપ્સ્યથ ॥ 6 ॥
લુપ્તવૈષ્ણવધર્મસ્ય મદ્વ્રતેષ્વવકીર્ણિનઃ ।
ભક્તિપ્રપત્તિહીનસ્ય વંદ્યો નામ્નાં સ્તવોઽપિ મે ॥ 7 ॥
તસ્માદવશ્યં તૈર્દોષૈર્વિહીનઃ પાપવર્જિતઃ ।
જપેત્સાષ્ટસહસ્રં મે નામ્નાં પ્રત્યહમાદરાત્ ॥ 8 ॥
સાક્ષાદલક્ષ્મીપુત્રોઽપિ દુર્ભાગ્યોઽપ્યલસોઽપિ વા ।
અપ્રયત્નોઽપિ મૂઢોઽપિ વિકલઃ પતિતોઽપિ ચ ॥ 9 ॥
અવશ્યં પ્રાપ્નુયાદ્ભાગ્યં મત્પ્રસાદેન કેવલમ્ ।
સ્પૃહેયમચિરાદ્દેવા વરદાનાય જાપિનઃ ।
દદામિ સર્વમિષ્ટાર્થં લક્ષ્મીતિ સ્મરતાં ધ્રુવમ્ ॥ 10 ॥
સનત્કુમાર ઉવાચ-
ઇત્યુક્ત્વાઽંતર્દધે લક્ષ્મીર્વૈષ્ણવી ભગવત્કલા ।
ઇષ્ટાપૂર્તં ચ સુકૃતં ભાગધેયં ચ ચિંતિતમ્ ॥ 11 ॥
સ્વં સ્વં સ્થાનં ચ ભોગં ચ વિજયં લેભિરે સુરાઃ ।
તદેતત્ પ્રવદામ્યદ્ય લક્ષ્મીનામસહસ્રકમ્ ।
યોગિનઃ પઠત ક્ષિપ્રં ચિંતિતાર્થાનવાપ્સ્યથ ॥ 12 ॥
ગાર્ગ્ય ઉવાચ-
સનત્કુમારોયોગીંદ્ર ઇત્યુક્ત્વા સ દયાનિધિઃ ।
અનુગૃહ્ય યયૌ ક્ષિપ્રં તાંશ્ચ દ્વાદશયોગિનઃ ॥ 13 ॥
તસ્માદેતદ્રહસ્યં ચ ગોપ્યં જપ્યં પ્રયત્નતઃ ।
અષ્ટમ્યાં ચ ચતુર્દશ્યાં નવમ્યાં ભૃગુવાસરે ॥ 14 ॥
પૌર્ણમાસ્યામમાયાં ચ પર્વકાલે વિશેષતઃ ।
જપેદ્વા નિત્યકાર્યેષુ સર્વાન્કામાનવાપ્નુયાત્ ॥ 15 ॥
ઇતિ શ્રીસ્કંદપુરાણે સનત્કુમારસંહિતાયાં લક્ષ્મીસહસ્રનામસ્તોત્રં સંપૂર્ણમ્

🌻 Listen to Digital Audio of - Hindu Goddess Maa Laxmi Mantras Online only on www.chalisa.online

🙏 View Desktop Wallpapers, Mobile Wallpapers, WhatsApp Status etc. for Hindu Goddess Maa Laxmi

Download Mobile and Desktop Wallpapers for Hindu Goddess Maa Laxmi

🌸 You can also download the Wall-papers for Desktop and Mobiles and also Whats-App status for many files such as Stotra, Mantra, Chalisa, Aarti for Hindu Goddess Maa Laxmi only on www.chalisa.online