🏵 Shankar Maharaj Aarti Lyrics In Marathi
आरती शंकर श्री गुरूंची | करू या ज्ञानसागराची ||
उजळल्या पंचप्राण ज्योती | सहजचि ओवाळू आरती |
मिटवूनी क्षणिक नेत्र पाती | हृदयी स्थितः झाली गुरुमूर्ती |
श्री गुरु दैवत श्रेष्ठ जनी | जणू का भाविकास जननी ||
संस्कृती पाश, सहज करी नाश, मुक्त दासास |
करी कामधेनु आमुची | करू या ज्ञानसागराची || १||
आरती शंकर श्री गुरूंची | करू या ज्ञानसागराची ||
ध्यान हे रम्य मनोहर से | ध्यान धृड जडले नयनिसे |
भक्त हृदयाकाशी विलसे | तेज ब्रम्हांडी फाकतसे |
पितांबर शोभवित कटीला | भक्त मालिका हृद पटला ||
भक्त जन तारी, नेई भवतीरी, पतित उद्धरी |
करू नित्य सेवा चरणांची | करू या ज्ञानसागराची || २ ||
आरती शंकर श्री गुरूंची | करू या ज्ञानसागराची ||
लक्षी जग प्रचंड नीज नयनी | लक्षी ब्रम्हांड हृद्य भुवनी ||
हरिहर विधी, दत्त त्रिगुणी | आठवी नित्यभूवन सुमनी ||
दत्तमय असे योगिराणा | ओम कारीचे तत्व जाणा ||
धारा दृढचरण, दास उद्धरण, जनार्दन शरण |
आस पुरवावी दासांची | करू या ज्ञानसागराची || ३ ||
आरती शंकर श्री गुरूंची | करू या ज्ञानसागराची ||